39.2 Góa chham-ka hit-pái ê kong-êng oán-cheng
Tán goán kóng chheng-chhó, soán hó ka-tī ê chit-gia̍p, lāu-pē kā goán lám tio̍h, koh tī i kóng ê té sî-kan lāi, si̍t-hiān i só͘ tah-èng ê tāi-chì. I hō͘ goán múi-lâng ê hūn, góa ē-kì-tit sī chi̍t-lâng kim-pè 3,000 ducat [cpt n̂g-kim 10.5 kg]. Sī goán chi̍t-ê a-chek kā tē-sán bé khì, bô-ài he liû-lo̍h kàu ka-cho̍k í-gōa khì. Goán 3 hiaⁿ-tī lóng tī kāng hit-kang kò-pia̍t lāu-pē. Hit-sî góa kám-kak, hō͘ lāu-pē tī chit-khoán lāu-nî chhiú-thâu ân, bô-siá-sì, góa kā 3 chheng ducat kî-tiong ê 2 chheng lâu hō͘ i, kóng, 1 chheng í-keng ū-kàu góa chò kun-jîn ê su-iàu.
Góa nn̄g-ê sió-tī, hō͘ góa ê kí-tōng kám-tōng tio̍h, múi-lâng lóng koh hō͘ i 1,000 ducat. Só͘-tì, lāu-pē chhiú-thâu ū 4,000 ducat hiān-kim, lēng-gōa ū i lâu-tio̍h bô bē ê 3,000 ducat kè-ta̍t ê thó͘-tē. Bóe-ah, góa kóng kòe, goán lī-khui lāu-pē kap tú-chiah kóng-tio̍h hit-ê a-chek, siang-pêng lóng siong-sim koh lâu ba̍k-sái. In hoan-hù goán tio̍h hō͘ in chai goán ê chōng-hóng, m̄-koán hó a̍h bái. Goán tah-èng ē án-ne chò, i koh kā goán lám chi̍t-ē, hō͘ goán chòe-āu ê chiok-hok. Chŏaⁿ, goán chi̍t-lâng chi̍t-lō͘, chi̍t-ê khì Salamanca, lēng-ê khì Seville, á góa óng Alicante khì, thiaⁿ-kóng hia ū chi̍t-chiah Genoa chûn teh chng iûⁿ-mô͘ hòe, boeh khì Genoa.
Chū-chiông góa lī-khui lāu-pē ê chhù, í-keng 22-nî ah. Chit-tōaⁿ sî-kan, sui-bóng ū siá kúi-tiuⁿ phe tńg-chhù, tān góa lóng bô tit-tio̍h lāu-pē, a̍h sió-tī ê im-sìn. Ē-bīn góa boeh kán-iàu kóng góa tī chit-tōaⁿ sî-kan ê keng-le̍k. Góa tī Alicante chhut-hái, sūn-lī lâi-kàu Genoa, kè-sio̍k chiân-óng Milano, tī hia khoán chiâu bú-khì kap kun-ho̍k. Goân-pún góa phah-sǹg boeh khì Piedmont chham-kun, tān tī góa hiòng Alessandria della Paglia ê tô͘-tiong, góa thiaⁿ-kóng úi-tāi ê Alva Kong-chiok tng-teh boeh khì Flanders. Góa kái-piàn kè-ōe, ka-ji̍p i ê tūi-ngó͘, chham-ka kúi-pái ê chiàn-ia̍h, chhin-ba̍k khòaⁿ-tio̍h Egmont Pek-chiok kap Horn Pek-chiok ê chhú-sí, koh tit-tio̍h seng-téng chò kî-chhiú (ensign), he sī chho͘-kip kun-koaⁿ, ho̍k-bū tī Guadalajara lâi ê, chhut-miâ ê Diego de Urbina siōng-ùi ē-bīn.
Kàu Flanders chi̍t-tōaⁿ sî-kan liáu-āu, góa thiaⁿ-tio̍h Kàu-hông Pius V í-keng kap Venezia í-ki̍p Sepanga liân-bêng ê siau-sit, bo̍k-tek sī boeh tùi-khòng kiōng-tông te̍k-jîn Ottoman Turk, te̍k-jîn ê chûn-tūi hit-sî tú-tú chiàm-niá goân-pún sio̍k-tī Venezia ê Cyprus Tó, sit-khì hit-ê tó sī ke̍k-tōa ê chai-lān. Khak-si̍t ê siau-sit teh thoân, kóng, Sepanga kok-ông Don Philip II ê kāng-pē ī-bú hiaⁿ-tī Don John de Austria boeh lâi chò bêng-kun ê chóng-su-lēng, sì-kè teh thoân kóng, tāi-chiàn ê chún-pī tng-teh chìn-hêng. It-chhè chiah-ê kiáu-tāng góa ê sim, jia̍t-chhiat kî-thāi ē-tit chham-ka chit-ê chiàn-ia̍h. Sui-bóng góa ū lí-iû siong-sìn, mā chha-put-to ē-tàng khak-tēng, chin kín tō ū ki-hōe [tī goân tan-ūi] seng chò siōng-ùi, tān, góa hòng-khì it-chhè, lâi-kàu Italia. Góa ê ūn-khì bē-bái, hit-sî Don John mā tú-hó kàu-ūi, tú boeh chhut-hoat khì ka-ji̍p Venezia chûn-tūi, āu-lâi in tī Messina hōe-ha̍p.
Kán-tan kóng, góa chham-ka hit-pái ê kong-êng oán-cheng, siū thê-seng chò pō͘-peng siōng-ùi, chit-ê êng-ū sī hó-ūn khah chē kòe kong-lô. Jiân-āu, tī Kitok-kàu Kài hēng-ūn ê ji̍t-chí, tī hit-kang, sè-kài kok-kok kiò-sī Turk hái-kun phah bē pāi ê chhò-gō͘ koan-liām pī phah-phòa. Tī hit-kang, Ottoman tè-kok ê kiau-ngō͘ kap chū-tāi thiat-té phòa-khì, só͘-ū chham-chiàn ê lâng lóng kám-kak hēng-hok (in-ūi hit-kang sí ê Kitok-tô͘ pí oa̍h-tio̍h ê koh-khah hēng-hok), tan-tan góa siōng chhi-chhám. In-ūi, goân-pún góa ē-sái tit-tio̍h ná Roma sî-tāi ê hái-kun kùi-koan, tān tian-tò péng, tī chhut-miâ ê hit-kang ê àm-sî, góa hoat-hiān kā-tī kòa kha-liâu kap chhiú-khàu.
--
39.2 我參加彼擺 ê 光榮遠征
等阮講清楚, 選好 ka-tī ê 職業, 老爸 kā 阮攬著, koh tī 伊講 ê 短時間內, 實現伊所答應 ê 代誌. 伊 hō͘ 阮每人 ê 份, 我會記得是一人金幣 3,000 ducat [cpt 黃金 10.5 kg]. 是阮一个阿叔 kā 地產買去, 無愛 he 流落到家族以外去. 阮 3 兄弟 lóng tī 仝彼工告別老爸. 彼時我感覺, hō͘ 老爸 tī 這款老年手頭 ân, 無捨世, 我 kā 3 千 ducat 其中 ê 2 千留 hō͘ 伊, 講, 1 千已經有夠我做軍人 ê 需要.
我兩个小弟, hō͘ 我 ê 舉動感動著, 每人 lóng koh hō͘ 伊 1,000 ducat. 所致, 老爸手頭有 4,000 ducat 現金, 另外有伊留著無賣 ê 3,000 ducat 價值 ê 土地. 尾 ah, 我講過, 阮離開老爸 kap 拄才講著彼个阿叔, 雙爿 lóng 傷心 koh 流目屎. In 吩咐阮著 hō͘ in 知阮 ê 狀況, 毋管好 a̍h 䆀. 阮答應 ē án-ne 做, 伊 koh kā 阮攬一下, hō͘ 阮最後 ê 祝福. Chŏaⁿ, 阮一人一路, 一个去 Salamanca, 另个去 Seville, á 我往 Alicante 去, 聽講 hia 有一隻 Genoa 船 teh 裝羊毛貨, 欲去 Genoa.
自從我離開老爸 ê 厝, 已經 22 年 ah. 這段時間, 雖罔有寫幾張批轉厝, 但我 lóng 無得著老爸, a̍h 小弟 ê 音訊. 下面我欲簡要講我 tī 這段時間 ê 經歷. 我 tī Alicante 出海, 順利來到 Genoa, 繼續前往 Milano, tī hia 款 chiâu 武器 kap 軍服. 原本我拍算欲去 Piedmont 參軍, 但 tī 我向 Alessandria della Paglia ê 途中, 我聽講偉大 ê Alva 公爵 tng-teh 欲去 Flanders. 我改變計畫, 加入伊 ê 隊伍, 參加幾擺 ê 戰役, 親目看著 Egmont 伯爵 kap Horn 伯爵 ê 處死, koh 得著升等做旗手 (ensign), he 是初級軍官, 服務 tī Guadalajara 來 ê, 出名 ê Diego de Urbina 上尉下面.
到 Flanders 一段時間了後, 我聽著教皇 Pius V 已經 kap Venezia 以及 Sepanga 聯盟 ê 消息, 目的是欲對抗共同敵人 Ottoman Turk, 敵人 ê 船隊彼時拄拄佔領原本屬 tī Venezia ê Cyprus 島, 失去彼个島是極大 ê 災難. 確實 ê 消息 teh 傳, 講, Sepanga 國王 Don Philip II ê 仝爸異母兄弟 Don John de Austria 欲來做盟軍 ê 總司令, 四界 teh 傳講, 大戰 ê 準備 tng-teh 進行. 一切 chiah-ê 攪動我 ê 心, 熱切期待 ē-tit 參加這个戰役. 雖罔我有理由相信, mā 差不多 ē-tàng 確定, 真緊 tō 有機會 [tī 原單位] 升做上尉, 但, 我放棄一切, 來到 Italia. 我 ê 運氣袂䆀, 彼時 Don John mā 拄好到位, 拄欲出發去加入 Venezia 船隊, 後來 in tī Messina 會合.
簡單講, 我參加彼擺 ê 光榮遠征, 受提升做步兵上尉, 這个榮譽是好運 khah 濟過功勞. 然後, tī Kitok 教界幸運 ê 日子, tī 彼工, 世界各國叫是 Turk 海軍拍袂敗 ê 錯誤觀念被拍破. Tī 彼工, Ottoman 帝國 ê 驕傲 kap 自大徹底破去, 所有參戰 ê 人 lóng 感覺幸福 (因為彼工死 ê Kitok 徒比活著 ê koh-khah 幸福), 單單我上悽慘. 因為, 原本我 ē-sái 得著 ná Roma 時代 ê 海軍桂冠, 但顛倒反, tī 出名 ê 彼工 ê 暗時, 我發現 kā-tī 掛跤鐐 kap 手銬.
--
39.2
As soon as we had come to an understanding, and made choice of our professions, my father embraced us all, and in the short time he mentioned carried into effect all he had promised; and when he had given to each his share, which as well as I remember was three thousand ducats apiece in cash (for an uncle of ours bought the estate and paid for it down, not to let it go out of the family), we all three on the same day took leave of our good father; and at the same time, as it seemed to me inhuman to leave my father with such scanty means in his old age, I induced him to take two of my three thousand ducats, as the remainder would be enough to provide me with all a soldier needed. /
My two brothers, moved by my example, gave him each a thousand ducats, so that there was left for my father four thousand ducats in money, besides three thousand, the value of the portion that fell to him which he preferred to retain in land instead of selling it. Finally, as I said, we took leave of him, and of our uncle whom I have mentioned, not without sorrow and tears on both sides, they charging us to let them know whenever an opportunity offered how we fared, whether well or ill. We promised to do so, and when he had embraced us and given us his blessing, one set out for Salamanca, the other for Seville, and I for Alicante, where I had heard there was a Genoese vessel taking in a cargo of wool for Genoa.
It is now some twenty-two years since I left my father’s house, and all that time, though I have written several letters, I have had no news whatever of him or of my brothers; my own adventures during that period I will now relate briefly. I embarked at Alicante, reached Genoa after a prosperous voyage, and proceeded thence to Milan, where I provided myself with arms and a few soldier’s accoutrements; thence it was my intention to go and take service in Piedmont, but as I was already on the road to Alessandria della Paglia, I learned that the great Duke of Alva was on his way to Flanders. I changed my plans, joined him, served under him in the campaigns he made, was present at the deaths of the Counts Egmont and Horn, and was promoted to be ensign under a famous captain of Guadalajara, Diego de Urbina by name. /
Some time after my arrival in Flanders news came of the league that his Holiness Pope Pius V. of happy memory, had made with Venice and Spain against the common enemy, the Turk, who had just then with his fleet taken the famous island of Cyprus, which belonged to the Venetians, a loss deplorable and disastrous. It was known as a fact that the Most Serene Don John of Austria, natural brother of our good king Don Philip, was coming as commander-in-chief of the allied forces, and rumours were abroad of the vast warlike preparations which were being made, all which stirred my heart and filled me with a longing to take part in the campaign which was expected; and though I had reason to believe, and almost certain promises, that on the first opportunity that presented itself I should be promoted to be captain, I preferred to leave all and betake myself, as I did, to Italy; and it was my good fortune that Don John had just arrived at Genoa, and was going on to Naples to join the Venetian fleet, as he afterwards did at Messina. /
I may say, in short, that I took part in that glorious expedition, promoted by this time to be a captain of infantry, to which honourable charge my good luck rather than my merits raised me; and that day—so fortunate for Christendom, because then all the nations of the earth were disabused of the error under which they lay in imagining the Turks to be invincible on sea—on that day, I say, on which the Ottoman pride and arrogance were broken, among all that were there made happy (for the Christians who died that day were happier than those who remained alive and victorious) I alone was miserable; for, instead of some naval crown that I might have expected had it been in Roman times, on the night that followed that famous day I found myself with fetters on my feet and manacles on my hands.
--
No comments:
Post a Comment